کو ئٹہ(نمائندہ جسارت)پشین میں جرائم پیشہ گروہوں کے خلاف کارروائی کے دوران مسروقہ گاڑیاں اور اسلحہ سمیت گیارہ ملزمان گرفتار کرلیے گئے ۔ تفصیلات کے مطابق پشین میں گزشتہ 48گھنٹوں کے اندر چوری و ڈکیتی کے متعدد وارداتوں کے بعد پشین اور قلعہ عبداللہ لیویز نے سول سوسائٹی کے ہمراہ مختلف کارروائیاں کرتے ہوئے گاڑی چوری میںملوث سات رکنی گروہ کو افغانستان بارڈر سے گرفتار کرکے مسروقہ فیلڈر گاڑی پشین کے علاقے منزرئی سے برآمد کرلی جبکہ سرخانزئی سے گن پوائنٹ پر چھینی گئی گاڑی کو ڈب خانزئی لیویز نے نیو کلی طورہ شاہ سے برآمد کرکے تین ڈاکوں کو گرفتار کرلیا اسی طرح یارو لیویز نے کوئٹہ کے علاقے پشتون آباد سے اسلحے کے زور پر چوری ہونیوالی موٹرسائیکل کو یارو کے قریب سے برآمد کرکے ملزم ملتان ولد عصمت اللہ کو اسلحے سمیت گرفتار کرلیا جنہیں بعد میں کوئٹہ پولیس کے حوالے کردیا گیا۔
