حمزہ شہباز کو ووٹ دینے والے منحرف ارکان کیخلاف ریفرنس

لاہور(نمائندہ جسارت)وزیراعلیٰ پنجاب کے انتخاب میں حمزہ شہباز کو ووٹ دینے پر تحریک انصاف کے 26 منحرف ارکان کے خلاف الیکشن کمیشن میں ریفرنس دائر کر دیا گیا۔ا سپیکر پرویز الٰہی کی جانب سے ریفرنس الیکشن کمیشن کو جمع کرائے گئے۔تحریک انصاف کے 26 منحرف ارکان کے خلاف ریفرنس اسپیکر پنجاب اسمبلی چودھری پرویزالٰہی کی جانب سے الیکشن کمیشن کو موصول ہوگئے۔ ریفرنس اسپیکر کے نمائندے نے الیکشن کمیشن میں جمع کرا دیے۔ 26 منحرف ارکان کے خلاف ریفرنس آرٹیکل 63 اے کے تحت الیکشن کمیشن کو جمع کرائے گئے، ان منحرف ارکان نے وزیراعلی کے انتخاب میں حمزہ شہباز کو ووٹ دیکر 63 اے کی خلاف ورزی کی۔ ان منحرف ارکان کے خلاف آرٹیکل 63 اے کے تحت کارروائی عمل میں لانے کا مطالبہ کیا گیا ہے۔منحرف ارکان میں راجا صغیر، ملک غلام رسول سنگھا، سعید اکبر نوانی، محمد اجمل، فیصل حیات جبوانہ، مہر محمد اسلم، خالد محمود، عبد العلیم خان ، نذیر چوہان، محمد امین ذوالقرنین، نعمان لنگڑیال، نعیم سلمان، زوار حسین وڑائچ، نذیر احمد خان، فدا حسین، زہرہ بتول، محمد طاہر، عائشہ چودھری، ساجدہ یوسف، ہارون گل، عظمی کاردار، ملک اسد کھوکھر شامل ہیں جنکے خلاف ریفرنس جمع کرا دیا گیا ہے۔ اعجاز مسیح گل، سبطین رضا، جاوید اختر، محسن عطا کھوسہ کے خلاف بھی ریفرنس الیکشن کمیشن میں جمع ہوگئے ہیں۔