مونٹی کارلو ماسٹرز ٹینس ، الیگزینڈر زویریف اور اسٹیفانوس مینز سنگلزسیمی فائنل میں داخل

مونٹی کارلو(جسارت نیوز):جرمنی کے ٹینس اسٹار الیگزینڈر زویریف اور یونان کے ٹینس اسٹار اور ایونٹ کے دفاعی چیمپئن اسٹیفانوس اپنی پیش قدمی کے سلسلے کو جاری رکھتے ہوئے مونٹی کارلو ماسٹرز ٹینس ٹورنامنٹ کے مردوں کے سنگلز مقابلوں کے سیمی فائنل رائونڈ میں پہنچ گئے ۔اے ٹی پی ٹورنامنٹ کے ایونٹ میں مینز سنگلز کے کوارٹر فائنل رائونڈ میں جرمنی کے ٹینس اسٹار الیگزینڈر زویریف نے عمدہ کارکردگی کی بدولت کامیابی حاصل کرلی اور سیمی فائنل تک رسائی حاصل کی۔ انہوں نے اطالوی حریف جینک سنر کو 7-5،3-6 اور 6-7(5-7) سے شکست دے کر ٹاپ 4 کے لئے کوالیفائی کرلیا۔ ایک اور میچ میں یونانی ٹینس اسٹار اور دفاعی چیمپئن اسٹیفانوس نے بھی کوارٹر فائنل لائن عبور کر لی ۔ انہوں نے سخت مقابلے کے بعد ارجنٹائن کے حریف کھلاڑی ڈیاگو شوارٹزمین کو 2-6، 7-6(7-3) اور 4-6سے ہرا کر سیمی فائنل رائونڈ کے لئے کوالیفائی کرلیا۔