کراچی جم خانہ کرکٹ،فیکٹ ڈیٹ انجینئرنگ کی کامیابی

کراچی(اسٹاف رپورٹر) کراچی جم خانہ کے زیرِ اہتمام 35ویں کراچی جم خانہ رمضان کر کٹ فیسٹول میں کھیلے گئے میچ میں فیکٹ ڈیٹ انجینرنگ نے کراچی جم خانہ وائٹ کو 39 رنز سے شکست دیدی،کراچی جم خانہ گراؤنڈ پر فیکٹ ڈیٹ انجینئرنگ نے چار وکٹوں پر 199 رنز کا ٹار گٹ دیا،فہد انجم 54،غضنفر خان54اور احمد حسین نے51 رنز کی شاندار اننگز کھیلی،شاز شاہجانی نے 2 کھلاڑیوں کو آؤٹ کیا،جواب میں کراچی جم خانہ آٹھ وکٹوں کے نقصان پر160 رنز بناسکی،ارسلان ملک 47 ، فرحان عارف 27 اوربلال منیر نے 24 رنز بنائے، رضوان قریشی،زوالفقار لہری،فہد انجم نے 2،2 وکٹ حاصل کی،میچ کے اختتام پر مہمان خصوصی ذونیر احمد نے فیکٹ ڈیٹ انجینئرنگ کے فہد انجم کو مین آف دی میچ کیش ایوارڈ دیا، محمد ریحان اور وسیم الدین نے امپائرنگ کے فرائض انجام دیے جبکہ راشد اسلم آفیشل اسکورر تھے۔