جوکووچ کا ٹینس کے بعد فٹ بال میں بھی مہارت کا مظاہرہ

پیرس(جسارت نیوز)سربین ٹینس اسٹار نوواک جوکووچ نے مونٹی کارلو میں مشہور فٹ بالرز نیمار جونئیر اور مارکو ویراتی کے ہمراہ فٹ بال میں بھی اپنی مہارت کا مظاہرہ کیا۔ٹینس اسٹار نوواک جوکووچ نیمار جونئیر اور مارکو ویراتی کے ساتھ اچھے موڈ میں نظر آئے۔جوکووچ گزشتہ روز مونٹی کارلو میں پیرس سینٹ جرمین کے ستاروں نیمار جونیئر اور مارکو ویراتی کے ساتھ گھومنے پھرنے کے دوران کیپ اپ کے کھیل سے لطف اندوز ہوئے۔مونٹی کارلو ماسٹرز ٹورنامنٹ میں اپنے افتتاحی کھیل سے پہلے، جوکووچ نے نیمار اور ویراتی سے ملاقات کی اور ان کے ساتھ ہلکے پھلکے کھیل میں شامل ہوئے جس میں وہ آخرکار ہار گئے۔مونٹی کارلو میں ہجوم ٹینس کے عظیم اور فٹ بال کے دونوں ستاروں کی موجودگی سے متاثر اور خوشگوار حیرت میں مبتلا تھے۔تاہم، جوکووچ کے چہرے سے مسکراہٹ بہت جلد ختم ہو گئی کیونکہ وہ 6-3، 6-7 (5/7)، 6-1 سے 46 ویں رینک والے ہسپانوی کھلاڑی الیجینڈرو ڈیوڈووچ فوکینا سے ہار گئے اور ٹورنامنٹ سے باہر ہو گئے۔