کراچی(اسٹاف رپورٹر)شیراز اشرف ، عدیل خان کی نصف سنچریاں،محمد ذوھیب کی عمدہ بولنگ۔شاعر نہال صدیقی میموریل اسپورٹس فاؤنڈیشن اور ینگ پا ک فلیگ کر کٹ کلب سی سی اے زون چار کے زیرِ اہتمام ساتواں شکیلہ خاتون یادگاری رمضان کر کٹ ٹورنامنٹ میں ملیر اسپورٹس نے اورنگزیب سلطان اکیڈمی کو چار وکٹو ں سے شکست دیکر کوارٹر فائنل میں کھیلنے کا اعزاز حاصل کر لیا،میچ کی خصوصیت شیراز اشرف،عدیل خان کی نصف سنچریاں،محمد ذوھیب کی عمدہ بولنگ تھی، برائٹ کر کٹ گراؤنڈ پر ٹا س جیت کر پہلے بیٹنگ کرتے ہوئے اورنگزیب سلطان اکیڈمی نے سات وکٹوں کے نقصان پر 140رنز اسکورز بنائے،عدیل خان نے نصف سنچری 50رنز کی عمدہ اننگز کھیلی، جواب میں ملیر اسپورٹس نے مطلوبہ حدف سخت مقابلے کے بعد 143رنز چھ وکٹوں کے نقصان پر بنالیے،شیراز اشرف نے نصف سنچری 54 رنز ، آرباز 25اور امیر زیب نے16رنز کی عمدہ اننگز کھیلی، محمد ذوہیب نے تین،شیر خان، کاشف، عبداللہ کے حصے میں 1,1وکٹ آئی۔
