کراچی (اسٹاف رپورٹر) وزیرِ اعظم شہباز شریف آج ایک روزہ دورے پر کراچی پہنچیں گے، جہاں اتحادی جماعتوں کے سربراہان کے ساتھ مزار قائد پر حاضری دیں گے۔ شہباز شریف کے دورے کا مقصد پاکستان کی تعمیر و ترقی کے لیے قائد اعظم کے وضع کردہ سنہری اصولوں کی پیروی کا اعادہ کرنا ہے، اس کے بعد وزیر اعظم وزیر اعلیٰ ہائوس جائیں گے، جہاں کراچی میں ترقیاتی منصوبوں کی حکمت عملی کے لیے مشاورتی اجلاس کی صدارت کرینگے۔
