کراچی (اسٹاف رپورٹر)بلدیہ ٹاؤن ہاکی کلب اور گریس فل گرامر اسکول سسٹم کے زیر اہتمام بلدیہ ٹاؤن رمضان فیسٹیول ہاکی ٹورنامنٹ کا افتتاح رکن صوبائی اسمبلی ملک شہزاد اعوان نے کیا پہلا مہچ ناظم آباد مجاہد اورج اور بلدیہ اقبال اینڈ حمید ایگلز کے درمیان 2,2 گول سے برابر رہا۔ناظم آباد اورنج کے گول عادل اور مہندی نے جبکہ بلدیہ ایگلز کے گول لیاقت اور بلال نے کئے۔دوسرے میچ میں بلدیہ ٹیپو اینڈ راشد ٹایگرز نے ناظم آباد مجاہد بلیو کو ۹-۴ سے ہرا دیا، ٹائیگرز کے کپتان بابر خان تنولی نے5، وقار نے 2، اور ناصر نے ایک ایک گول کیا جبکہ ناظم آباد بلیو کی طرف سے محمد اقبال نے2، جبکہ ندیم سلطان اور جنید نے ایک ایک گول کیا۔اس موقع پر رکن صوبائی اسمبلی ملک شہزاد اعوان سمیت بلدیہ ٹاؤن کلب کے عہدیداران محمد سلیم، شاہد نزیر، ولایت علی، حمید بھائی، اظہر حسین اور دیگر پلیئرز شرکت کی۔
