اسلام آباد (نمائندہ جسارت) مسلم لیگ ن کے صدر، اپوزیشن لیڈر شہباز شریف نے کہا ہے کہ ن لیگ کی نہیں بلکہ متحدہ اپوزیشن کی حکومت بنے گی۔ پارلیمنٹ ہائوس میں جب ان سے سوال ہوا کہ عمران خان پر مقدمہ بنے گا یا انہیں معافی مل جائے گی تو انہوں نے کہا کہ آپ کیوں ایسے سوال کرتے ہیں جس کا میں جواب نہیں دے سکتا۔ شہباز شریف نے کہا کہ عمران خان سے پوچھیں جب انہوں نے اچکن پہن کا حلف لیا تھا تو کیا ہوا تھا۔ شہباز شریف کا کہنا تھا کہ خواجہ آصف نے کہا کہ عمران خان کو یہ تکلیف نہیں کہ وہ جا رہے ہیں، انہیں یہ تکلیف ہے کہ شہباز شریف کیوں آرہا ہے۔
