ملتان :ایئرپورٹس سکیورٹی فورس (اے ایس ایف)کی جانب سے ملتان ایئر پورٹ پر کارروائی میںبھاری مقدار میں منشیات برآمد کر لی گئی ۔
تفصیلات کے مطابق کارروائی کے نتیجے میں اے ایس ایف نے ملتان سے دبئی منشیات کی سمگلنگ کی کوشش ناکام بنادی ۔ترجمان اے ایس ایف نے کہا کہ عملے نے دبئی جانے والے 2 مسافروں سے 3 کلو 950 گرام آئس ہیروئن برآمد کر لی، مسافر غلام مرتضیٰ اور میکائیل خان نے ہیروئن ٹرالی بیگ کی میں مہارت سے چھپا رکھی تھی۔
ترجمان اے ایس ایف نے کہا کہ عملے نے سامان کی تلاشی کے دوران منشیات برآمد کر کے سمگلنگ کی کوشش ناکام بنائی۔ترجمان اے ایس ایف نے کہا کہ ملزمان کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اے این ایف حکام کے حوالے کر دیا گیا۔
