کراچی: تحریک انصاف کے سندھ اسمبلی میں پارلیمانی لیڈرخرم شیر زمان نے کہا ہے کہ بلاول صبر کریں اگلے الیکشن میں آپ کو تارے دکھائیں گے۔
بلاول زرداری کے خطاب پر ردعمل دیتے ہوئے کہا کہ بلاول غمزدہ ہیں کیونکہ انہیں سہری میں امریکی پراٹھے نہیں ملے۔انہوں نے کہا کہ بلاول نانا کے آئین پر ناز کرتے ہیں مگر پاسداری کیلئے تیار نہیں، بلاول کھسیانی بلی کی طرح کھمبا نوچنا چھوڑیں۔انہوں نے کہا کہ سندھ ہائوس میں ضمیر خریدتے وقت نانا کا آئین یاد نہیں آیا، پی پی کو قومی اسمبلی کے بعد اب سندھ میں سرپرائز دیں گے۔
خرم شیر زمان نے کہاکہ عمران خان نے امریکی بھکاریوں کے ارمانوں پر پانی پھیرا ہے، آملکر کھاتے ہیں کا خواب کبھی پورا نہیں ہوگا۔خرم شیر زمان نے کہاکہ وزیراعظم کی کردار کشی کرنے والوں کی بدکاریاں عیاں ہوچکی ہے، بلاول صبر کریں اگلے الیکشن میں آپ کو تارے دکھائیں گے۔
