ٹھٹھہ (نمائندہ جسارت)ٹھٹھہ کے قریب دولھ دریا خان پل کے نیچے دریائے سندھ سے مقامی ملاحوں نے ایک نوجوان کو ڈوبتا ہوا دیکھا جس کی اطلاع پولیس کو دی گئی۔ پولیس نے کشتی کے ذریعے نوجوان کو تشویشناک حالت میں ریسکیو کرکے اسپتال پہنچایا جہاں زخمی نوجوان کی شناخت صدام حسین ولد علی نواز بروہی ضلع نوشہرو فیروز کے علاقے بھریا سٹی کے نام سے ہوئی۔ ابتدائی طور پر زخمی نوجوان نے بتایا کہ اس کے رشتے داروں اور دوستوں نے دھوکے سے رات دیر گئے پل سے نیچے پھنک دیا تھا پولیس معاملے کی تحقیقات کررہی ہے۔
