کراچی (اسٹاف رپورٹر) کرکٹ اسکول پاکستان کے زیر اہتمام منعقدہ سی ایس پی کرکٹ میلہ سی ایس پی اسٹارز نے جیت لیا ۔سی ایس پی کرکٹ اکیڈمی کلفٹن گرائونڈ پر منعقدہ فائنل میں سی ایس پی تھنڈرز کو 10 وکٹوں سے شکست ہو گئی ۔ فائنل میں سی ایس پی تھنڈرز نے پہلے کھیلتے ہوئے چار وکٹوں پر78رنز اسکور کیے اس کی جانب سے شہزاد شفیع نے 20گیندوں پر چار چوکوں اور تین چھکوں کی مدد سے 49رنز اسکور کیے اور ٹاپ اسکورر رہے ۔سی ایس پی اسٹارز کی جانب سے آصف احمد نے دو کھلاڑیوں کو آئوٹ کیا ۔جواب میں فاتح سی ایس پی اسٹارز نے بغیر کسی نقصان کے مطلوبہ ہدف حاصل کر لیا اس کی جانب سے سراج نے 19 گیندوں پر چھ چوکوں اور تین چھکوں کی مدد سے ناقابل شکست53رنز جبکہ آصف احمد نے دو چوکوں اور ایک چھکے کی مدد سے17رنز اسکور کے ۔سراج کو ان کی عمدہ بیٹنگ پر مین آف دی میچ قرار دیا گیا ۔ نیب کے ڈپٹی ڈائرکٹر قمر عباس عباسی مہمان خصوصی تھے جنہوں نے فرسٹ کلاس کرکٹرسعید خان کے ہمراہ فاتح ،رنر اپ ٹیموں کے کپتانوں کو ٹرافی دی۔
