کراچی(اسٹاف رپورٹر)کراچی پورٹ ٹرسٹ کے تحت کراچی میں پہلی خواتین ٹینس چمپئن شپ کا رنگا رنگ انعقاد کیا گیا، سنگلز اور ڈبل ایونٹس میں کھلاڑیوں نے بھرپور جوش و خروش کا مظاہرہ کیا۔کراچی میں پہلی کے پی ٹی ویمنز ٹینس چمپئن شپ کا انعقاد ہوا، فائنل میچ ارج اور نتالیہ زمان کے درمیان کھیلا گیا جس میں دونوں کھلاڑیوں نے جیت کے لیے خوب جان لگائی، سخت مقابلے کے بعد نتالیہ زمان نے کامیابی حاصل کرلی ، چیئرمین کے پی ٹی نادر ممتاز وڑائج کا کہنا تھا کہ کھیل اور کھلاڑیوں کے فروغ کے لیے کوشاں ہیں۔اختتامی تقریب میں کامیاب کھلاڑیوں میں ٹرافی اور انعامات بھی تقسیم کیے گئے۔
