کراچی(نمائندہ جسارت)پیپلز پارٹی کے چیئرمین بلاول زرداری نے مادرِ جمہوریت بیگم نصرت بھٹو کو ان کے 93 ویں یومِ ولادت پر شاندار الفاظ میں خراج عقیدت پیش کیا ہے۔ میڈیا سیل بلاول ہائوس سے جاری کردہ بیان کے مطابق پارٹی چیئرمین نے اپنے پیغام
میں کہا کہ قوم کے بنیادی سیاسی حقوق کی خاطر اپنے ذاتی المناک صدمات کو بھلا کر غیرمتزلزل عزم و استقلال کے ساتھ جدوجہد کرنے کا نام بیگم نصرت بھٹو ہے‘ میری نانی نے ہمیں آئین شکن مجرموں کے خلاف مزاحمت کرنا اور انہیں شکست سے ہمکنار کرنا سکھایا۔
