کراچی (اسٹاف رپورٹر) پاکستان تحریک انصاف کے ارکان سندھ اسمبلی خرم شیر زمان، سیمہ ضیاء، ڈاکٹر سنجے گنگوانی و دیگر نے بلاول زرداری کے او آئی سی اجلاس سے متعلق بیان کیخلاف مذمتی قرارداد سندھ اسمبلی میں جمع کرادی۔ خرم شیر زمان نے سندھ اسمبلی میں میڈیا سے گفتگو میں کہا کہ آج ایک سیاسی بچے کے بیان کی خلاف مذمتی قرارداد جمع کرائی ہے اس بچے کے نانا نے پہلا او آئی سی اجلاس پاکستان میں بلایا تھا بلاول نے اپنے نانا کے فیصلے اور اقدام کی مخالفت کی ہے بلاول کی رگوں میں بھٹو کا خون نہیں زرداری کا خون ہے۔
