ٹھٹھہ (نمائندہ جسارت)ٹھٹھہ کے قدیمی شہر جنگ شاھی اور آس پاس کے گاؤں کے رہائشیوں کی بنیادی سہولیات نا ملنے اور سوئی گیس کی عدم فراہمی پر مکلی پارک سے نیشنل پریس کلب تک ریلی اور دھرنا۔ ضلع ٹھٹھہ کے قدیمی شہر جنگ شاھی اور اس کے آس پاس کے کوہستانی گائوں کے سیکڑوں لوگوں شاہنواز بروہی، عمران جوکھیو ،عرفان جوکھیو، غلام حسین جوکھیو کی قیادت میں سوئی گیس اور دیگر بنیادی سہولیات نا پہنچانے کے خلاف مکلی پارک سے نیشنل پریس کلب مکلی تک ریلی نکالی اور نیشنل پریس کلب کے سامنے دھرنا دیا۔ مظاہرین نے کہا کہ ہمارا خاندان ملک کے قیام سے بھی قدیمی ہے لیکن اس علاقے میں آج تک کسی قسم کی بنیادی سہولت نہیں ہے اسپتال روڈ راستے پانی اور گیس کچھ بھی ہمارے گاؤں میں نہیں منتخب نمائندے صرف ووٹ لے کر چلے جاتے ہیں۔مظاہرین نے کہا کہ فوری گیس مہیا کی جائے ورنہ سندھ اسمبلی اور دوسرے سرکاری دفاتر پر مظاہرہ اور دھرنا دیں گے۔
