اسلام آباد (صباح نیوز) وزیراعظم عمران خان کے معاون خصوصی شہباز گل نے کہا ہے کہ شہباز شریف کا آرمی چیف کی ایکسٹینشن کے بارے میں بیان ان کی سیاسی بوکھلاہٹ کو واضح کر رہا ہے۔ قائد حزب اختلاف شہباز شریف کے بیان پر ردعمل دیتے ہوئے شہباز گل نے ٹوئٹر پر پیغام جاری کرتے ہوئے لکھا کہ شہباز شریف کا آرمی چیف کی تعیناتی یا ایکسٹینشن کے بارے میں بیان ان کی سیاسی بوکھلاہٹ کو واضح کر رہا ہے، جس کا فیصلہ سال کے آخر میں ہونا ہے اس ایشو کو اپنی گندی سیاست میں استعمال کیا جا رہا ہے۔ انہوں نے اپوزیشن لیڈر کو مخاطب کرتے ہوئے لکھا کہ شہباز صاحب آپ نے کیا فیصلہ کرنا ہے اس وقت تک تو آپ جیل میں ہوں گے، شہباز ،نواز ایک سکے کے دو رخ ہیں۔
