واشنگٹن(انٹرنیشنل ڈیسک) امریکا نے کہا ہے کہ وہ ایران کو جوہری ہتھیار حاصل نہیں کرنے دے گا۔ نائب وزیرخارجہ وینڈی شیرمن نے اپنے انٹرویو میں کہا کہ قیدیوں کی رہائی تک ایران سے جوہری معاہدہ ممکن نہیں ہے۔ انہوں نے کہا اس وقت بائیڈن انتظامیہ کی اولین ترجیح امریکی شہریوں کی بحفاظت وطن واپسی کوممکن بنانا ہے۔ مذاکرات ابھی ختم نہیں ہوئے ، لہٰذا اس کی تفصیل نہیں بتائی جاسکتی ، تاہم یہ بات حتمی اوریقینی ہے کہ ایران کوجوہری ہتھیارحاصل نہیں کرنے دیے جائیں گے۔
