لاڑکانہ (نمائندہ جسارت)دڑی پولیس نے روپوش ملزم ستار مہر کو بغیر لائسنس پسٹل اور گولیوں سمیت، رتوڈیرو پولیس نے ضلع گھوٹکی کے تھانہ اے سیکشن پر روپوش 2 ملزمان ہاشم اوڈھو اور عاشق میرانی کو، علی گوہر آباد پولیس نے منشیات فروش ملزم وقار کھاوڑ کو ہیروئن کھی 33 پڑیوں سمیت، باڈہ پولیس نے منشیات فروش ملزم صدام جتوئی کو 100 گرام چرس سمیت، حیدری پولیس نے چوری میں ملوث آصف پہوڑ کو شہری شمس الدین کی چوری شدہ بھینس اور بچھڑے سمیت گرفتار کرلیا ہے۔دوسری جانب لاشاری پولیس نے فش فارم کے قریب پیٹرولنگ پارٹی کے ہمراہ مقابلے میں شہری عبدالغنی مگسی سے چھینی جانے والی موٹرسائیکل اور سول لائنز پولیس نے شہری احمد رضا لنڈ کی موبائل فون برآمد کرلی ہے، پولیس کے مطابق گرفتار ملزمان کے خلاف مقدمات درج کرکے تفتیش شروع کردی گئی ہے۔
