ٹھٹھہ (نمائندہ جسارت) درگاہ حضرت عبداللہ شاہ اصحابی رح کا سالانہ 383 واں 3 روزہ عرس مبارک کا افتتاح پارلیمنٹری سیکرٹری مذہبی امور و اوقاف ھیر سوہو نے کیا عرس کے موقع پر سیکورٹی کے سخت انتظامات مجھے بہت خوشی ہوئی ہے کہ اتنے بڑے اولیاء کرام کے عرس کا افتتاح مجھ ناچیز کے ہاتھوں ہوا ھیر سوہو کی میڈیا سے بات چیت ڈپٹی کمشنر ٹھٹھہ نے عرس کے موقع پر ضلع بھر میں آج (جمعہ کو)عام تعطیل کا اعلان کردیا ۔درگاہ حضرت عبداللہ شاہ اصحابی رح کا 383 واں سالانہ 3 روزہ عرس کا افتتاح پارلیمنٹری سیکرٹری مذہبی امور و اوقاف ہیر سوہو نے درگاہ پر چادر چڑھاکر کیا ،فاتحہ پڑھی اور ملک کی سلامتی کے لیے خاص طور پر دعا کی گئی ۔اس موقع پر ان کے ہمراہ منیجر اوقاف نواز خان بھی موجود تھے ۔عرس کے پہلے دن ایس ایس پی ٹھٹھہ ڈاکٹر محمد عمران خان نے درگاہ کا دورہ کرنے کے بعد سیکورٹی کے سخت انتظامات کیے پولیس افسران و اہلکاروں کو درگاہ کے چاروں طرف ڈیوٹی پر معمور کیا ہے ہر آنے جانے والے کی سخت چیکنگ کی جارہی ہے عرس کے موقع پر درگاہ کے پاس تھیٹرز اور مختلف اشیاء کے اسٹالز بھی لگائے گئے ہیں۔
