کراچی(نمائندہ جسارت)کاؤنٹر ٹیررازم ڈیپارٹمنٹ پولیس کی سکھر میں بڑی کارروائی۔ کالعدم تنظیم کے3 دہشت گرد گرفتار، اسلحہ اور بارودی مواد برآمد کرلیا۔ ایس پی سی ٹی ڈی نے بتایا کہ گرفتار ملزمان میں راشد سولنگی، مہتاب چنا اور عجب تنیو شامل ہیں، گرفتار دہشت گردوں کا تعلق کالعدم قوم پرست جماعت جئے سندھ متحدہ محاذ’’جسمم‘‘ سے ہے اور انہوں نے متعدد وارداتوں میں ملوث ہونے کا اعتراف کیا ہے۔ ایس پی سی ٹی ڈی کا کہنا تھا کہ گرفتار دہشت گردوں نے ماضی میں ریلوے ٹریک پر بم نصب کیے، اس کے علاوہ پورٹ قاسم پر چائنیز اور رینجرز کی ریکی کرکے انہیں نقصان پہنچانے کی بھی کوشش کی تھی۔
