سکھر (نمائندہ جسارت) تھانہ روہڑی کی حدود پنچ نلکہ کے قریب پولیس اور ڈاکوؤں کے درمیان مقابلہ، ڈکیتی، چوری، پولیس مقابلوں سمیت دیگر وارداتوں میں ملوث ڈاکو زخمی حالت میں گرفتار، ساتھی فرار اسلحہ برآمد، ترجمان پولیس کے مطابق ایس ایچ او روہڑی یاسر کھوسو نے بمعہ اسٹاف ناکہ بندی کے دوران مشتبہ افراد کو روکنے کی کوشش کی، ملزمان نے ناکہ توڑ کر فرار ہونے کی کوشش کی، تعاقب کے دوران پولیس اور ڈاکوؤں کے درمیان فائرنگ کا تبادلہ ہوا، مقابلے میں دوران ایک ڈاکو کو زخمی حالت میں گرفتار کر لیا گیا، گرفتار ڈاکو چوری ڈکیتی، پولیس مقابلوں سمیت بیشتر وارداتوں میں پولیس کو مطلوب تھا، گرفتار زخمی ڈاکو کی شناخت دلشاد ولد دلدار لکن کے نام سے ہوئی، گرفتار ڈاکو کے قبضے سے ٹی ٹی پستول میگزین اور گولیاں برآمد کی گئیں، علاوہ ازیں سکھر تھانہ سی سیکشن کے سامنے 92 نیوز کے رپورٹر سجاد پاشا پر حملہ، حملے کے باعث ان کا سر پھٹ گیا، صحافیوں نے سجاد پاشا کو زخمی حالت میں اسپتال منتقل کیا، سکھر یونین آف جرنلسٹس کی جانب سے صحافیوں نے ان کا میڈیکل کرایا،سجاد پاشا کا کہنا ہے کہ دھرنے کی کوریج کے لیے جارہے تھے، جواریوں نے حملہ کیا، ملزمان نے پہلے ہوائی فائرنگ کی، پولیس نے 2 ملزمان کو گرفتار کرلیا ہے ۔
