لاڑکانہ(نمائندہ جسارت) پولیس نے 3 روز قبل اغوا ہونے والے 8 سالہ بچے کو بازیاب کرکے ایک ملزم کو گرفتار کرکے تفتیش شروع کردی، اس سلسلے میں ایس ایس پی لاڑکانہ سرفراز نواز شیخ نے بتایا کہ تھانہ دڑی کی حدود مراد واھن محلہ سے 3 روز قبل جھانسے کے بعد اغوا ہونے والے بچے بلاول ولد ذوالفقارعلی بھٹو کو پولیس نے حکمت عملی کے تحت لعل باغ سہون شریف سے بازیاب کرالیا، پولیس کارروائی کے دوران گرفتار ہونے والے اغوا کارملزم کی شناخت آصف ولد محمد لائق شابرانی رہائشی گاؤں غلام علی شابرانی، کروھر ضلع قمبر شہداد کوٹ کے طور پر ہوئی جبکہ تھانہ دڑی پولیس نے گرفتار ملزم سے دیگر ساتھیوں اور گینگ کے بارے میں پوچھ گچھ سمیت مزید ضابطے کی کارروائی کی گئی ہے۔
