بدر جعفری کرکٹ،آغاخان جم خانہ فائنل میں داخل

کراچی(اسٹاف رپورٹر) زیڈ اے اسپورٹس کے زیراہتمام منعقدہ بدر جعفری انویٹیشن کرکٹ ٹورنامنٹ کے پہلے سیمی فائنل میں آغا خان جمخانہ نے جاوید منصور کی ناقابل شکست سنچری کی بدولت نیو کراچی جمخانہ کو باآسانی 90 رنز سے شکست دے کر فائنل کھیلنے کا اعزاز حاصل کرلیا ۔ٹی ایم سی کرکٹ گرائونڈ پر ٹاس جیت پہلے بیٹنگ کرتے ہوئے آغا خان جمخانہ نے مقررہ 40 اوورز میں چھ وکٹوں کے نقصان پر 306 رنز اسکور کیے۔ جاوید منصور نے 127 گیندوں پر ناقابل شکست 160 رنز اسکور کیے۔ہدف کے تعاقب میں نیو کراچی جمخانہ کی پوری ٹیم 36 اوورز میں 216 رنز بناکر آوٹ ہوگئی وجہہ فواد نے 48 رنز ، عمار ریاض نے 46 رنز اور شاویز یاسر نے 31 رنز اسکور کیے۔آغا خان جمخانہ کی جانب سے احسان اللّٰہ نے شاندار بولنگ کا مظاہرہ کرتے ہوئے 42 رنز دیکر5کھلاڑیوں کو آئوٹ کیا ۔