لاڑکانہ(نمائندہ جسارت)لاشاری سے سیاہ کاری کے الزام میں قتل ہونے والی خاتون اور مقتول غلام شبیر جتوئی کے قتل مقدمے کے ملزم غلام حیدر جتوئی کو شاٹ گن اور کارتوس سمیت، حیدری پولیس نے مقابلے کے دوران فرار ہونے والے 2 مطلوب ملزمان وقار بھٹو اور نثار عرف انصار سانگی کو 2 ریوالور اور گولیوں سمیت، یونیورسٹی پولیس نے ڈکیت نیاز سولنگی کو شہری اصغر علی بروھی سے چھینی جانے والی موٹرسائیکل اور موبائل سمیت، علی گوہر آباد پولیس نے اشتہاری ملزم مراد جتوئی کو، رشید وگن پولیس نے منشیات فروش ملزم ماجد لہر کو 500 گرام چرس سمیت اور دڑی پولیس نے ملزم اعظم ٹگڑ کو گٹکوں کی 500 پڑیوں سمیت گرفتار کرلیا ، پولیس کے مطابق گرفتار ملزمان کے خلاف مقدمات درج کرکے تفتیش شروع کردی گئی ۔علاوہ ازیں بھینس کالونی سے 11 روز قبل پراسرار طور پر گمشدہ 6 سالہ بچہ عبدالرزاق ولد عبدالحمید جتوئی کا تاحال کچھ پتہ نہ چل سکا جس کے باعث ورثا میں پریشانی کی لہر دوڑ گئی جبکہ ورثا نے گم شدہ بچے کی تلاش میں مدد کی اپیل کی ہے۔
