چینی جنگی طیارے پاکستان کو مل گئے‘دشمن کی صفوں میں ہلچل

راولپنڈی (آئی این پی)پاکستان، چین دوستی کا لازوال شاہکار جے ٹین،پاک فضائیہ کے پہلے 6 جے ٹین طیارے وطن پہنچ گئے،جے ٹین طیارے جلد پاک فضائیہ میں باضابطہ شامل ہوں گے،مزید جے 10طیاروں کی آمد کا سلسلہ بھی جاری رہے گا۔ نجی ٹی وی کے مطابق جے 10طیاروں کا پہلا اسکوارڈن یوم پاکستان پریڈ میں مظاہرہ کرے گا،جے 10جدید ترین ملٹی رول سنگل انجن، ڈیلٹا ونگز لڑاکا طیارہ ہے۔چینی ساختہ لڑاکا طیارہ ہر قسم کے موسمی حالات میں آپریشنز کی صلاحیت رکھتا ہے،جے 10 فضا سے فضا، زمینی اور بحری اہداف کے خلاف اسٹرائیک آپریشنز میں کارگر ہے۔طیارے کا ہوا باز اپنے ہیلمٹ کاک پٹ میں ملٹی فنکشن ڈسپلے سے اہم ترین آپریشنز سرانجام دے سکتا ہے ،طیارہ جدید ترین اییسا اور پلینر ارے ریڈراز سے لیس ہے۔ جے10 طیارہ بیک وقت کئی اہداف کی نشاندہی، نشانہ بنانے کی صلاحیت کا بھی حامل ہے۔