اسلام آباد (اے پی پی) وزیر مملکت برائے اطلاعات و نشریات فرخ حبیب نے کہا ہے کہ بلاول ہائوس میں پالے ہوئے چوہے 20 ارب کی گندم کھاگئے، بلاول ’’لٹو اور پھٹو‘‘ والی پالیسی چھوڑ کر سندھ پر توجہ دیں، ہماری حکومت نے پیٹرولیم مصنوعات پر سیلز ٹیکس صفر کیا، ن لیگ 55 روپے فی لیٹر تک سیلز ٹیکس لیتی رہی۔ میڈیا سے گفتگو میں انہوں نے کہا کہ ا پوزیشن کی منافقت بھی بے مثال ہے، پہلے آئی ایم ایف کے پاس جانے اور عوام کو ریلیف دینے پر منفی پرپیگنڈے کر رہی تھی، اب مگر مچھ کے آنسو بہانے والی اپوزیشن وزیراعظم کے عوامی ریلیف پیکج پر بہادری کا مظاہرہ کرے اور ان اقدامات کو سراہے۔
