لاہور(نمائندہ خصوصی) پی ایس ایل 7کے کمنٹری پینل نے ٹیم آف ٹورنامنٹ کا انتخاب کرلیا ہے۔ وکٹ کیپر بیٹر محمد رضوان کو پی ایس ایل 7 کی ٹیم کا کپتان مقرر کیا گیا ہے۔پلیئر آف پی ایس ایل 7کا ایوارڈ جیتنے والے محمد رضوان ملتان سلطانز کے ان چار کھلاڑیوں میں شامل ہیں، جنہیں ٹیم آف پی ایس ایل 7 کا حصہ بنایا گیا ہے۔ ان کے علاوہ رائیلی روسو، ٹم ڈیوڈ اور خوشدل شاہ کو بھی ٹیم آف ایچ بی ایل پی ایس ایل7میں شامل کیا گیا ہے۔ ٹورنا منٹ کی چمپئن لاہور قلندرز کے بھی چار کھلاڑیوں کو ٹیم آف ٹورنامنٹ کا حصہ بنایا گیا ہے۔ ان میں شاہین شاہ آفریدی، زمان خان، فخر زمان اور راشد خان بھی شامل ہیں۔پشاور زلمی(شعیب ملک)، اسلام آباد یونائیٹڈ (شاداب خان)اور کوئٹہ گلیڈی ایٹرز (نسیم شاہ)کا ایک ایک کھلاڑی بھی ٹیم آف پی ایس ایل 7کا حصہ ہے۔ٹیم آف پی ایس ایل 7 میںمحمد رضوان(کپتان اور وکٹ کیپر)،فخر زمان،شعیب ملک ،شاداب خان،رائیلی روسو ،ٹم ڈیوڈ،خوشدل شاہ،راشد خان ،شاہین شاہ آفریدی،زمان خان اور نسیم شاہ شامل ہیں جبکہ شان مسعودکو12واں کھلاڑی رکھا گیا ہے۔
