سکھر (نمائندہ جسارت) سکھر پولیس کا جرائم پیشہ افراد سمیت سماجی برائیوں میں ملوث عناصر کیخلاف کریک ڈاؤن جاری، مزید 11 ملزمان گرفتار مقدمات درج، ترجمان پولیس کے مطابق تھانہ آباد پولیس نے حدود میں ایک مطلوب ملزم اسلحے سمیت گرفتار کر لیا، ملزم محمد سلیم جتوئی قتل واردات کیس میں پولیس کو مطلوب تھا گرفتار ملزم کے قبضے سے واردات میں استعمال ہونے والا اسلحہ ٹی ٹی پستول برآمد کیا گیا ۔علاوہ ازیں تھانہ سی سیکشن کی حدود میں کارروائی کے دوران ایک منشیات فروش ملزم آصف بکھرانی کو گرفتار کر لیا گیا، جبکہ تھانہ راؤ شفیع اللہ کی حد میں جوا کے اڈے پر چھاپے کے دوران 7 ملزمان کو گرفتار کر کے ملزمان سے تاش کے پتے،جوا کے دیگر اقسام کے گیمز سمیت متعدد موبائل و نقدی برآمد کی گئیں، گرفتار ملزمان میں علی رضا منگی،عمران بھٹو،قلندر بخش،زبیر بھٹو،سلمان منگی،قمل عباس،محمد اکرم شامل ہیں، تھانہ سانگی کا حدود میں دوران اسنپ چیکنگ کارروائی میں ایک منشیات فروش ملزم اظہر عرف میہر جتوئی کو گرفتار کر کے قبضے سے 270 مضر صحت چھالیہ برآمد کی گئی، اے سیکشن پولیس نے دوران اسنپ چیکنگ کارروائی میں ایک منشیات فروش ملزم راشد علی کے قبضے سے 210 عدد گٹکے برآمد۔ مقدمہ درج کر لیا۔
