یورپ سے اچھے معاہدے کی کوشش میں ہیں‘ ایرانی وزیر خارجہ

تہران (صباح نیوز) ایران کے وزیر خارجہ حسین امیرعبداللہیان نے کہا ہے کہ ایران اور 5 عالمی طاقتوں کے درمیان ویانا مذاکرات کے باقی ماندہ مسائل قابل حل ہیں اور ان پر اتفاق کیا جا سکتا ہے بشرطیکہ مغربی فریق حقیقت پسندانہ رویہ اختیار کرے۔ ایرانی میڈیا کے مطابق وزیر خارجہ نے یورپی یونین کی خارجہ پالیسی کے سربراہ جوزف بورل کے ساتھ ہونے والی ٹیلی فونک گفتگو میں ان کی اور جوہری معاہدے کے لیے مشترکہ کمیشن کے کوآرڈینٹر انریکہ مورا کی کوششوں کی تعریف کرتے ہوئے اس بات پر زور دیا کہ ایران مذاکرات کے دوران ایک اچھے معاہدے کی کوشش میں ہے تاہم قومی مفادات ہماری ریڈ لائن ہیں۔