سکھر (نمائندہ جسارت)ضلعی انتظامیہ اور محکمہ صحت سکھرکی جانب سے انسداد پولیو مہم 28 فروری تا 04 مارچ تک جاری رہے گی۔ اس سلسلے میں ڈپٹی کمشنر سکھر جاوید احمد کی خصوصی ہدایت پر اسسٹنٹ کمشنر سٹی ڈاکٹر عیسیٰ خان اور روٹری کلب سکھر کے صدر آغا سمیع اللہ نے انسداد پولیو مہم کا افتتاح روٹری کلب سکھر میں کیا جبکہ اس سلسلے میں آگاہی واک بھی نکالی گئی آگاہی واک میں اسکولوں کے طلبہ، پولیو ویکسین ٹیم کے اراکین، روٹری کلب کے اراکین سمیت شہریوں نے شرکت کی۔
