ٹھٹھہ (نمائندہ جسارت)پیپلز پارٹی کے چیئرمین بلاول زرداری کے ٹھٹھہ سے آج گزرنے والے لانگ مارچ کو کامیاب بنانے کے لیے ضلع بھر میں تیاریاں زور و شور سے جاری ہیں۔ چیئرمین پیپلز پارٹی بلاول زرداری آج کراچی قائد اعظم کے مزار سے بڑھتی ہوئی مہنگائی بیروزگاری کے خلاف لانگ مارچ کی شروعات کر رہے ہیں۔ لانگ مارچ کا پہلا استقبال ٹھٹھہ میں کیا جائے گا، ٹھٹھہ ضلع کو پیپلز پارٹی کے جھنڈوں اور پینا فلیکس سے سجا دیا گیا اور جیالوں میں بڑا جوش و خروش پایا جاتا ہے، لانگ مارچ ٹھٹھہ ضلع کے بعد سندھ کے مختلف علاقوں سے ہوتا ہوا اسلام آباد پہنچے گا۔
