لاہور (نمائندہ خصوصی )پی ایس ایل سیون کے فائنل کے موقع پر وزیراعظم عمران خان اور آرمی چیف جنرل قمر باجوہ کی آمد کی اطلاعات سامنے آرہی ہیں۔ اس سلسلے میں سیکورٹی کے سخت انتظامات کیے جارہے ہیں۔ دوسری طرف اسٹیڈیم کوبجلی کی بلاتعطل فراہمی کے لیے 245 جنریٹرزچلائے جارہے ہیںجس کے شور اوراٹھنے والے دھوئیں کے باعث ایک طرف جہاں آلودگی میں اضافہ ہورہا ہے وہیں دوسری طرف شائقین کو اذیت میں مبتلا کیا ہوا ہے۔ شائقین کے مطابق قریب سے گزرتے ہوئے شدید کوفت کا سامنا کرنا پڑتا ہے۔ بعض اوقات سانس تک لینے میں دشواری ہوتی ہے۔ نمائندہ جسارت سے گفتگو کرتے ہوئے شائقین کا کہنا تھا کہ شور شرابے اور دھوئیں کے باعث میچ کا مزہ کرکراہورہا ہے۔ شائقین کا کہنا تھا کہ پی سی بی نے جہاں دیگر انتظامات کیے وہیں بجلی کی فراہمی کیلیے ماحول دوست سسٹم کا انتظام کرناچاہیے۔ جس سے نہ صرف ماحول صاف ستھرا رہے بلکہ شائقین کو بھی پریشانی کاسامنا نہ کرناپڑا۔
