لاہور(سید وزیر علی قادری)قذافی اسٹیڈیم لاہور میں کھیلے گئے پی ایس ایل 7 کے کوالیفائر میں ملتان سلطانز نے لاہور قلندرز کو 28 رنز سے ہرا کر ٹورنامنٹ کے فائنل میں رسائی حاصل کرلی۔ 164 رنز کے تعاقب میں لاہور قلندرز کی ٹیم مقررہ 20 اوورز میں 9 وکٹوں کے نقصان پر 135 رنز ہی بناسکی۔ مطلوبہ ہدف کے تعاقب میں لاہور قلندرز کی پہلی وکٹ اس وقت گری جب عبداللہ شفیق 17 کے مجموعی اسکور پر آصف آفریدی کی گیند پر ایل بی ڈبلیو آو¿ٹ ہوگئے۔ کامران غلام اور محمد حفیظ بھی بالترتیب 20 اور صفر اسکور پر آو¿ٹ ہوگئے۔ ان فارم بیٹر فخر زمان نےشاندار بیٹنگ کرتے ہوئے ٹورنامنٹ میں اپنی 8ویں نصف سنچری اسکور کی۔ بائیں ہاتھ کے بیٹر نے اننگز کے 12ویں اور 13 ویں اوور میں 4 چھکے لگا کرمیچ کا پانسہ پلٹنے کی کوشش بھی کی تاہم وہ پ15 ویں اوور میں 45 گیندوں پر 4 چھکوں اور 2 چوکوں کی مدد سے 63 رنز بناکر آو¿ٹ ہوئے تو قلندرز کی امیدیں دم توڑ گئیں۔ انہوں نے چوتھی وکٹ کے لیے ہیری بروک کے ہمراہ 54 رنز کی شراکت قائم کی۔ ہیری بروک 13 رنز بنا کر آو¿ٹ ہوئے۔نئے آنے والے بیٹر سمت پٹیل 11جبکہ فل سالٹ اور شاہین آفریدی ایک ایک رنز بناکر آو¿ٹ ہوئے۔لاہور قلندرز کو جیت کے لیے آخری 2 اوورز میں 38 رنزدرکار تھےتاہم رومان رئیس نے انیسویں اوور میں صرف دو رنزدے کر ایک وکٹ حاصل کرکے میچ میں ملتان سلطانز کی گرفت مزید مضبوط کردی۔لاہور قلندرز کی ٹیم مقررہ بیس اوورز میں 9 وکٹوں کے نقصان پر 135 رنز ہی بناسکی۔شاہنواز دھانی نے تین جبکہ ڈیوڈ ویلے نے دو کھلاڑیوں کو آو¿ٹ کیا۔ رومان رئیس، آصف آفریدی اور خوشدل شاہ نے ایک ایک وکٹ حاصل کی۔اس سے قبل لاہور قلندرز نے ٹاس جیت کر پہلے فیلڈنگ کا فیصلہ کیا تو محمد حفیظ نے اننگز کے دوسرے ہی اوور میں ان فارم اوپنر شان مسعود کو 2 کے انفرادی اسکور پر آو¿ٹ کرکے اسے درست بھی ثابت کردیا۔ تیسرے نمبر پر میدان میں اترنے والے عامر عظمت نے کچھ مزاحمت ضرور کی تاہم وہ بھی 5 چوکوں کی بدولت 33 کے انفرادی اسکور پر آو¿ٹ ہوکر پویلین واپس لوٹ گئے۔ 50 کے مجموعی اسکور پر 2 وکٹیں گنوانے کے بعد ملتان سلطانز کےکپتان محمد رضوان نے تجربہ کار بیٹر رائیلی روسو کے ساتھکریز سنبھالی اور ذمہ دارانہ بیٹنگ کرتے ہوئے کھیل کو آخری اوور تک لیجانے کی کوشش کی۔ دونوں کھلاڑیوں نے تیسری وکٹ کے لیے 79 گیندوں پر 113 رنز کی ناقابل شکست شراکت قائم کرکے ٹیم کا مجموعہ 160 کے پار پہنچا دیا۔ ایک چھکے اور 7 چوکوں کی مدد سے رائیلی روسو 65 رنز بناکر ناٹ آو¿ٹ رہے۔ محمد رضوان نے 51 گیندوں پر 3 چوکوں کی بدولت 53 رنز کی ناقابل شکست اننگز کھیلی۔ محمد حفیظ اور سمت پٹیل نے ایک ، ،ایک وکٹ حاصل کی۔ مین آف دی میچ ووسو رہے۔
