دادو ،طالبہ کے قتل میں ملوث ملزم مقابلے میں مارا گیا

دادو(نمائندہ جسارت)دادو کے علاقے سیتاروڈ کی رہائشی نویں جماعت کی طالبہ نگینہ چانڈیو قتل کیس کا ملزم مبینہ پولیس مقابلے میں زخمی حالت میں گرفتار اسپتال میں دم توڑ گیا۔تفصیلات کے مطابق دادو کے علاقے سیتاروڈ کے گاؤں محب جونیجو کی رہائشی نویں جماعت کی طالبہ نگینہ چانڈیو کو شادی کا جھانسہ دیکر گھر سے بھگا کر لے جانے بعد قتل کرنے کا معاملہ واقعے میں ملوث دوسراملزم شوکت چنا پولیس کے مبینہ مقابلے میں مارا گیا۔ ایس ایس پی دادو عرفان سموں کے مطابق ملزم کی گرفتاری کے لئے سیتا روڈ پولیس نے خفیہ اطلاع پر چھاپا مارا ملزم نے پولیس کو دیکھتے ہی فائرنگ کردی پولیس کی جوابی فائرنگ میں ملزم کو زخمی حالت میں دھرلیا گیا پولیس نے ملزم سول اسپتال دادو منتقل کیا جہاں پر زخمی ملزم زخموں کی تاب نہ لاتے ہوئے چل بسا تین روز قبل پولیس نے جدید ٹیکنالوجی کی مدد سے مقتولا نگینہ کے قتل میں ملوث مرکزی ملزم مہتاب چانڈیو کو گرفتار کیا تھا ملزم مہتاب نے پولیس تفتیش میں اپنے دوست شوکت چنا سے مل کر نگینہ کو قتل کرنے کا اعتراف کیا تھا۔