لاہور: پاکستان سپر لیگ میں پشاور زلمی اور لاہور قلندری کے درمیان میچ میں شرمناک واقعہ پیش آیا، جس کے بعد سوشل میڈیا پر صارفین نے حارث رؤف کے رویہ پر ناراضگی کا اظہار کیا۔
تفصیلات کے مطابق پاکستان سپر لیگ7 کے میچ میں پشاور زلمی نے ٹاس جیت کر بیٹنگ کا آغاز کیا، جس کے دوران کیچ چھوڑنے پر حارث رؤف نے غصے کااظہار کرتے ہوئے کامران غلام کو تھپڑرسید کردیا۔
حارث رؤف کی گیند پر کامران غلام نے پشاور زلمی کے کھلاڑی حضرات اللہ زازئی کا کیچ ڈراپ کردیا، جس پر حارث رؤف نے اپنے غصے کا اظہار تھپڑ مارکر کیا، تھپڑ کھانے کے بعد بھی کامران غلام مسکراتے رہے جبکہ حارث رؤف غصے سے دیکھتے رہے،شاہین شاہ آفریدی کے دیکھنے پر حارث رؤف نے بناوٹی مسکراہٹ دی۔
پی سی بی انتظامیہ حارث رؤف کے رویہ پر ناخوش ہے، میچ ریفری علی نقوی نے بھی اس واقعہ کا نوٹس لے لیا،ہوسکتا ہےاس معاملے پر حارث رؤف کے خلاف کوئی جرمانہ عائد کیا جائے۔
