لاڑکانہ(نمائندہ جسارت) شہر کے تھانہ اللہ آباد کی حدود ائرپورٹ روڈ پر تیز رفتار ٹرک اور موٹرسائیکل میں ٹکر کے نتیجے میں موٹرسائیکل سوار سی این جی دکاندار مسعود احمد بھٹو شدید زخمی ہو گیا جسے پولیس کی جانب سے تشویش ناک حالت میں چانڈکا اسپتال منتقل کیا گیا جہاں دوران علاج وہ دم توڑ گیا۔ دوسری جانب شہر کے تھانہ حیدری کی حدود ذوالفقار باغ کے علاقے میں چھوٹو گینگ سے تعلق رکھنے والے بچہ چور نے کباڑی عمران مگسی کی دکان کے سامنے کھڑی موٹرسائیکل چوری کرکے فرار ہونے کی کوشش کی جسے دکانداروں نے پکڑ کر مارا پیٹا بعد ازاں پولیس کو اطلاع دی جس پر پولیس نے پہنچ کر چور بچے کو گرفتار کرکے تھانے منتقل کردیا۔ اس موقع پر دکاندار عمران مگسی نے بتایا کہ 12 سالہ بچہ چور میری موٹرسائیکل چوری کرکے فرار ہو رہا تھا ۔
