کراچی(نمائندہ جسارت)امیر جماعت اسلامی پاکستان سراج الحق آج جامعۃ الاخوان نیو کراچی،کل بروز اتوار جامعہ حنیفیہ سعود آباداور جامعۃالعلوم الاسلامیہ منصورہ ہالا اور 21فروری بروز پیر جامعۃ الحرمین میں تکمیل ختم بخاری کی سالانہ تقریبات سے خصوصی خطاب کریںگے جبکہ محمد حسین محنتی اور حافظ نعیم الرحمن کی زیرصدارت تقاریب میں صدر رابطۃ المدارس الاسلامیہ پاکستان شیخ القرآن مولانا عبدالمالک درس بخاری دیں گے۔دیگر مقررین میں امیر جماعت اسلامی بلوچستان مولانا عبدالحق ہاشمی، ، مولانا ہدایت الرحمن ،منتظم اعلیٰ عربیہ پاکستان مولانا شمشیر علی شاہد، ضلعی امرا فاروق نعمت اللہ، توفیق الدین صدیقی، مدیر جامعۃ الاخوان مولانا عبدالوحید، مہتم جامعہ حنیفیہ مولانا یامین منصوری ، مدیر جامعۃ الحرمین مفتی عطاالرحمن کے نام شامل ہیں ۔ بعد ازاں مفتیان کرام، قرا عظام و تکمیل حفظ القرآن کی دستار بندی کی جائے گی۔
