کوئٹہ گلیڈی ایٹرز کے اہم کھلاڑی پی ایس ایل سے دستبردار

ویب ڈیسک -
487

لاہور: کوئٹہ گلیڈی ایٹرز کے آسٹریلوی آل راؤنڈر جیمز فالکنر پاکستان سپر لیگ 7 سے دستبردار ہوگئے۔

سماجی رابطے کی ویب سائٹ ٹوئٹر پر آسٹریلوی کرکٹر جیمز فالکنر نے کہا کہ پی ایس ایل 7 کے مزید میچز کھیلنے سے معذرت کرتا ہوں، پاکستان کرکٹ بورڈ اور پی ایس ایل کی جانب سے معاہدہ پورا نہیں کیا گیا۔

جیمز فالکنر نے کہا کہ میں تمام پاکستانی فینز سے معذرت خواہ ہوں، پاکستان میں انٹرنیشنل کرکٹ کی واپسی میں مدد کرنا چاہتا تھا۔

انہوں نے کہا کہ میرے ساتھ مسلسل جھوٹ بولا گیا، اس لیے میں آخری دو میچ نہیں کھیل سکتا، میرے ساتھ جو رویہ اختیار کیا گیا وہ تضحیک آمیز تھا۔

کوئٹہ گلیڈی ایٹرز کے ترجمان نے جمیز فالکنر کے معاملے پر مؤقف اختیار کیا ہے کہ یہ معاملہ پی سی بی کا ہے اسے دیکھ رہا ہے، ہم اس معاملے پر کوئی ردعمل نہیں دیں گے۔

مزید خبریں