لاہور: اسلام آباد یونائیٹڈ کے کھلاڑی ایلکس ہیلز پاکستان سپر لیگ 7 (پی ایس ایل) سے دستبردار ہوگئے، اور وہ ٹورنامنٹ کے بقیہ میچز میں حصہ نہیں لیں گے۔
ترجمان اسلام آباد یونائٹیڈ کے مطابق ایلکس ہیلز ذاتی وجوہات کی بنا پر وطن واپس لوٹ رہے ہیں، وہ آئندہ میچز میں اسلام آباد یونائٹیڈ کو دستیاب نہیں ہوں گے، ہماری نیک تمنائیں ایلکس ہیلز کے ساتھ ہیں۔
پوائنٹس ٹیبل میں تیسرے نمبر پر موجود اسلام آباد یونائٹیڈ کی جیت میں اوپنر ایلکس ہیلز نے اہم کردار ادا کیا۔ انگلش کرکٹرز کے اچانک ٹیم چھوڑ جانے کی مزید تفصیلات ابھی سامنے نہیں آئیں، تاہم ذرائع کا بتانا ہے کہ ایلکس ہیلز مسلسل ببل کی وجہ سے تھکاوٹ کا شکار تھے۔
اسلام آباد یونائٹیڈ اگلا میچ 17 فروری کو پشاور زلمی کے خلاف کھیلے گا۔
