راولپنڈی: پاکستان اور آسٹریلیا کے مابین کرکٹ سیریز کے حوالے سے سی پی او عمر سعید ملک نے راولپنڈی کرکٹ سٹیڈیم کا دورہ کیا۔
ایس ایس پی انوسٹی گیشن، ایس ایس پی آپریشنز، ایس پی راول، اے ایس پی نیوٹاو¿ن، ڈسٹرکٹ سیکورٹی افسر اور دیگر افسران بھی ہمراہ تھے۔سی پی او عمر سعید ملک نے سیکورٹی کے حوالے سے کرکٹ سٹیڈیم، روٹ اور گردونواح کا جائزہ لیا۔سی پی او راولپنڈی عمر سعید نے فول پروف سیکورٹی انتظامات کے جامع پلان کے لئے متعلقہ افسران کو ہدایات دیں۔
سی پی او راولپنڈی عمر سعید نے کہا کہ کرکٹ سٹیڈیم، گردونواح اور ٹیمز کی فول پروف سیکورٹی کے لیے تمام دستیاب وسائل بروئے کار لائے جائیں گے، پاکستان آسٹریلیا کرکٹ سیریز کے بہترین سیکورٹی و ٹریفک انتظامات کو یقینی بنایا جائیگا۔
