سکھر (نمائندہ جسارت) ایس ایس پی سکھر سنگھار ملک کا رات دیر گئے کچے کے مختلف علاقوں کا دورہ، دورے کے دوران کچے سے منسلک قائم عارضی پکٹس کا معائنہ، متعلقہ افسران سے موقع پر تفصیلی بریفنگ اور سیکورٹی انتظامات سے متعلق ضروری ہدایات جاری کیں۔ترجمان پولیس کے مطابق کچے میں منظم ڈاکوؤں کے خلاف سرچ آپریشن اورداخلی و خارجی راستوں پر کوائف چیکنگ کا عمل جاری ہے۔ایس ایس پی سکھر سنگھار ملک نے سرچ آپریشن سے متعلق افسران و جوانوں کو ضروری ہدایات جاری کیں۔ایس ایس پی سکھر نے کہا ہے کہ کچے میں موجود ڈاکوؤں کے ٹھکانوں کے اطراف اضافی پولیس پکٹس کے ساتھ نفری تعینات کی گئی ہے جس سے ڈاکوؤں کی نقل وحرکت کو محدود اور ان پر کڑی نظر رکھی جاسکے گی۔
