لاہور: میڈیکل بورڈ نے سابق وزیراعظم نواز شریف کی تازہ رپورٹس کو بھی ناکافی قرار دے دیا ہے۔
ایک نجی ٹی وی کے مطابق سینئر ڈاکٹروں کے 9 رکنی بورڈ نے سابق وزیر اعظم کی صحت سے متعلق ڈاکٹر فیاض شاول کی رپورٹ کو نامکمل قرار دے دیا۔ذرائع کا کہنا ہے کہ اے جی آفس کے خط کے بعد میڈیکل بورڈ نے نواز شریف کی تازہ طبی رپورٹ سے متعلق محکمہ صحت کو اپنی رائے سے آگاہ کر دیا ہے۔
ذرائع کے مطابق بورڈ نے کہا کہ دی گئی طبی رپورٹ محض ایک ڈاکٹر کی رائے ہے، جس کے ساتھ لیب رپورٹ منسلک نہیں کی گئی، بورڈ کو مریض کی طبی صورت حال سے متعلق مستند لیب یا ادارے کی رپورٹ نہیں ملی۔واضح رہے کہ اس سے پہلے بھی یہ میڈیکل بورڈ میاں نواز شریف کی پرانی رپورٹس پر یہی رائے دے چکا ہے
