لاہور: پاکستان کرکٹ بورڈ نے اگلے ایک سال کیلئے قومی ٹیم کے ہیڈ کوچ، بیٹنگ اور بالنگ کوچ کا اعلان کردیا ہے۔
پی سی بی نے ثقلین مشتاق کو بھی مزید 12 ماہ کے لیے قومی کرکٹ ٹیم کا ہیڈ کوچ مقرر کردیا ہے۔ سابق آسٹریلوی فاسٹ بالر شان ٹیٹ کو بھی 12 ماہ کے لیے قومی کرکٹ ٹیم کا فاسٹ باؤلنگ کوچ جبکہ محمد یوسف کو آسٹریلیا سیریز کے لیے بیٹنگ کوچ مقرر کیا گیا ہے۔ اسپورٹ اسٹاف کے دیگر ارکان میں منیجر منصور رانا اور فیلڈنگ کوچ عبدالمجید شامل ہیں۔
آسٹریلیا کے خلاف سیریز کے لیے شاہد اسلم اسسٹنٹ ٹو ہیڈ کوچ، کلف ڈیکن فزیو تھراپسٹ اور ڈریکس سائمن اسٹرنتھ اینڈ کنڈیشنگ کوچ ہیں۔ عماد حمید میڈیا اینڈ ڈیجیٹل منیجر، کرنل (ر) عثمان انوری سیکیورٹی منیجر، طلحہ اعجاز (اینالسٹ) اور ملنگ علی مساجر ہوں گے۔
