کراچی (اسٹاف رپورٹر)لیڈنگ اسپورٹس کے زیراہتمام چنار سپر کرکٹ لیگ سیزن 4 کاآغاز 19 فروری سے متحدہ عرب امارات کی ریاستوں شارجہ اور عجمان میں ہورہاہے کرکٹ لیگ میں مقبوضہ اور آزاد کشمیر،پاکستان، بھارت اور بنگلا دیش کے کھلاڑیوں پرمشتمل 24 ٹیمیں شرکت کررہی ہیں جنہیں چارگروپس میں تقسیم کیا گیا ہے لیگ میچز شارجہ جبکہ سیمی فائنل او ر فائنل اوول کرکٹ گرائونڈ عجمان میں کھیلے جائیں گے ۔ایونٹ کی فاتح ٹیم کیلئے 7 ہزار درہم جبکہ رنر اپ کے لیے3 ہزار 5 سو درہم کی انعامی رقم رکھی گئی ہے۔ چیئرمین چنار سپر کرکٹ لیگ راجہ اسد خالد نے کہا کہ ایونٹ کامقصد یواے ای گورنمنٹ کے وژن کے تحت ہیلتھ اینڈ فٹنس کو پروموٹ کرنا اور یہاں کے باصلاحیت کھلاڑیوں کو اپنی صلاحتوں کو منوانے کا موقع فراہم کرنا ہے۔
