نوشکی: وزیراعظم عمران خان ایک روزہ دورے پر بلوچستان کے علاقے نوشکی پہنچ گئے۔
میڈیا رپورٹس کے مطابق وزیراعظم عمران خان نکے ہمراہ آرمی چیف بھی موجود ہیں، جبکہ وزیرخارجہ شاہ محمود قریشی اور وزیرداخلہ شیخ رشید بھی وزیراعظم کے ہمراہ نوشکی کے دورے پر ہیں۔ وزیرِ اعظم کو نوشکی میں اہم آپریشنل بریفنگز دی جائیں گی۔ وہ نوشکی میں فوجی جوانوں اور مقامی عمائدین سے ملاقات بھی کریں گے۔
آئی ایس پی آر کے مطابق آرمی چیف جنرل قمر جاوید باجوہ بھی نوشکی پہنچ گئے، آرمی چیف پورا دن فوجی جوانوں کے ساتھ گزاریں گے۔
آئی ایس پی آر کے کا کہنا ہے کہ آرمی چیف کو علاقے کی سیکیورٹی کی صورتحال پر تفصیلی بریفنگ دی جائے گی، اس کے علاوہ انہیں دہشت گردوں سے نمٹنے کے لیے فارمیشن کی آپریشنل تیاریوں سے متعلق بھی آگاہ کیا جائے گا۔
