اسلام آباد(نمائندہ جسارت) این سی او سی نے پی ایس ایل کے لاہور میں ہونے والے میچز میں 100 فیصد شائقین کو شرکت کی اجازت دینے کا فیصلہ کرلیا۔ 15 فروری تک 50 فیصد اور 16 فروری سے 100 شائقین میچ دیکھ سکیں گے۔وفاقی وزیر اسد عمر کی زیر صدارت این سی او سی کا اہم اجلاس منعقد ہوا ۔این سی او سی نے فیصلہ کیا کہ مکمل ویکسی نیشن شدہ افراد کو ہی اسٹیڈیم میں داخلے کی اجازت ہوگی تاہم 12 سال سے کم عمر بچوں کو بغیر ویکسین لگوائے بھی اسٹیڈیم آنے کی اجازت ہوگی۔این سی او سی نے پاکستانی ہوائی اڈوں پر آمد پر اندرون ملک مسافروں کے لیے ریپڈ ٹیسٹ 8 فروری سے ختم کرنے کا اعلان کیا تاہم یہ ٹیسٹ بیرون ممالک سے ڈی پورٹ ہونے والوں اور لینڈ بارڈر ٹرمینلز سے آنے والے ویکسین نہ ہونے والے افراد کے لیے جاری رہے گا۔
