اسلام آباد (صباح نیوز) پیپلز پارٹی کے سیکرٹری جنرل نیئر بخاری نے کہا ہے کہ زرداری اور بلاول کی شہباز شریف سے ملاقات تباہی سرکار پر بھاری پڑگئی،کٹھ پتلی حکمرانوں کے پیروں تلے سے زمین کھسکنے لگی ہے،ملاقات نے کرائے کے حکومتی ترجمانوں کو ذہنی بیمار کردیا۔ ان خیالات کا اظہار انہوں نے ایک بیان میں کیا۔ ان کا کہنا تھا کہ ظرف سے عاری کپتان اور بدزبانی کی عادی ٹیم بدنامی کے پہلے نمبر پر ہیں۔ انہوں نے مزید کہا کہ اپوزیشن جماعتوں کے اتفاق و اتحاد سے دیہاڑی داروں کو سرکاری دال روٹی بند ہوتی دکھائی دینے لگی۔
