زرداری، شہباز نے کہنی ، حمزہ اور بلاول نے مکے ملائے

لاہور(صباح نیوز)سابق صدر آصف زرداری،پیپلز پارٹی کے چیئر مین بلاول زرداری ور لیگی قیادت کی ماڈل ٹائون لاہور میں ملاقات کے دوران کورونا ایس او پیز کا مکمل خیال رکھا گیا ۔آصف زرداری اور بلاول کے ماڈل ٹائون پہنچنے پر استقبال کے وقت آصف
زرداری اور شہباز شریف نے کہنی کے ساتھ کہنی ملائی۔چیئرمین پی پی بلاول اور حمزہ شہباز نے ایک دوسرے کے ساتھ مکے ملائے جبکہ آصف زرداری نے سینے پر ہاتھ رکھ کر مریم نواز کو جھک کر سلام کیا، اس دوران مریم نواز کے سوا سب نے ماسک پہنا ہوا تھا۔ذرائع نے بتایا کہ لیگی قیادت کے ظہرانے میں آصف زرداری کے لیے کھانا الگ سے ان کا اسٹاف لے کر آیا اور ساتھ ہی ان کی ادویات بھی لائی گئیں۔پی پی ذرائع کا کہنا ہے کہ آصف زرداری کے لیے کھانے میں دال بھی لائی گئی ہے۔